BAGIAN PROTOKOL DAN KOMUNIKASI PUBLIK

PEMERINTAH KABUPATEN KUTAI KARTANEGARA

Berita

Gowes JEDAK 3 Kutai Lama

date_range 13 Mei 2019 | Oleh : Prokom04-info.prokom/dedy/pj
Gowes JEDAK 3 Kutai Lama

FOTO Bupati Kukar Busu Edi Damansyah pas Sida ngumpati ritual tepong tawar sebelum pelepasan Gowes JEDAK 3 Kutai Lama

TENGGARONG -Wilayah Kutai Lama penoh ngan daya tarik ngan kesah baharinya. Karna dulu didaerah ne ada kerajaan Kutai Kartanegara. Ngan brapa artefak nya ada, etam maseh bisa melihati ngkan adanya sisa-sisa peninggalan nya di tinggalkan leh kerajaan kesultanan Kutai Kartanegara waktu tu.

Wayahne wilayah Kutai Lama jadi kawasan wilayah kecamatan Anggana. tegak halnya wilayah lain, Anggana gin berempu potensi migas, batubara, ngan jadi lahan perkebonan. Acaranya di adakan leh sida Goweser Anggana ngan label Jedak 3 kali ne memang meriah ngan dihadiri goweser regional Kalimantan. Ritual Tepong Tawar ngan ngikatkan kain kuning betanda tamu kehormatan leh Kelompok Sadar Wisata Kutai Lama iyahak betanda dimulainya acara. Ada 1.200 Goweser Dilepas leh Bupati Kutai Kartanegara.

Alam nya ada di Anggana bujur-bujur baik beneh di lihat. Ne haknya molah sida panitia Jelajah Desa Kutai Lama (JEDAK 3) ngadakan acara tu disitu. Ngan molah trek nya baru ngan konsep jelajah alam asri, sida peserta mulai perjalanan tulak dermaga Kutai Lama habistu besepeda sejaoh 20 km nya hampir segalanya ada offroad.

Sida Peserta diberikan alam Kutai Lama nya asri, melewati jalan desa, perkebonan sawit, semangka, nanas ngan perkebonan karet. Lereng perbukitan nya ghijau, molah sida goweser betah lawas-lawas ngan befotoan. Pas dah sampai garis finish diidentifikasi 5 goweser putra 5 putri ntuk nggali potensi atlit bebakat. Sambil nunggu sida peserta sampai kegaris finish, sida peserta diberikan makanan  tradisional khas Kecamatan Anggana ngan jajak-jajak nya dikelola leh sida UKM

Event Gowes JEDAK 3 Kutai Lama di Anggana ne bisa diadakan karna dukungan Perusahaan nya beoperasi di Kecamatan Anggana, Koramil, Polsek Anggana, Team Medis dari Pertamina EP ngan Puskesmas Sei Meriam. Berkat kerjassama sida nya baik antara panitia Goweser Kec. Anggana, TPG Bike Smarinda, Kosema Samarinda, RWS, DKR Pramuka Kwaran Kecamatan Anggana, Saka Bhayangkara, PMI Kecamatan Anggana ngan FPAB Kecamatan Anggana acara sida berjalan lancar ngan sukses

Ketua Panitia busu Dedy Wahyudiansyah beharap lamun acara ne bisa jadi bagian dari Kalender Event wisata Kabupaten Kutai Kartanegara bisa lebeh meriah lagi di tahun hadap. Bunyi leh busu Dedy selain ntuk silaturahim antara pecinta sepeda MTB, diharapkan kegiatan ne bisa jadi ajang promosi wisata nya bisa nambah pendapatan masyarakat Kecamatan Anggana.”ujenya. (Prokom04-info.prokom/dedy/pj)

BERITA Lainnya