BAGIAN PROTOKOL DAN KOMUNIKASI PUBLIK

PEMERINTAH KABUPATEN KUTAI KARTANEGARA

Berita

HUT Smanda Di Bukak Busu Edi

date_range 24 Oktober 2018 | Oleh : Medsi2- Prokom04
HUT Smanda Di Bukak Busu Edi

FOTO

TENGGARONG – Di rangka hari ulang tahun SMAN 2 Tenggarong nya ke 35 di lapangan sekolah SMA2 tenggarong, hari Jumat (19/10) Plt Bupati Kutai Kartanegara (Kukar) busu Edi Damansyah ngan bubuhan jajarannya nganukan senam hambat ngan sida guru segala kanak murid-muridnya SMAN 2 Tenggarong, . Di sambutannya sida busu Edi mengucapkan selamat ngan penghargaan ke Kepala Sekolah, ngan sida guru, ngan jua segala murid SMAN 2 Tenggarong, lamun SMAN 2 wayah ne terus bekembang ngan maju kualitasnya makin ningkat. "Apa nya dah dicapai ne supaya terus dijaga ngan ditingkatkan," ujeya. 

Busu tu jua beharap ngkan momentum HUT ne mandiknya seremoni maha, tapi jua bagian nya nguatikan komitmen baik Kepala Sekolah, guru ngan para murid. "Teruhak kita besama besatu, karna proses belajar ngajar ne bisa bejalan ngan baik lamun hubungan psikologis secara struktural antara Kepala Sekolah, guru ngan kuhsusnya murid," bunyinya. Habistu nya beharap lagi, keberadaan sekolah nya jua bagian dari struktur pendidikan di Kukar, sebagai prioritas pembangunan Pemkab Kukar,  supaya bisa terus ncetak ngan ngembangikan sumberdaya manusia nya bekompeten. 

Busu Edi jua berencana supaya umpat senam hambat besama siswa SMAN 2 Tenggarong setiap hambat Jumat, supaya mpererat silaturahim sekaligus beolahraga besama. Sementara Kepsek SMAN 2 Teggarong Bambang Setyawan, kegiatan HUT SMAN 2 Tenggarong tu nampilkan kreatifitas siswa,tulak mulai dari bemacam Ekstra Kurikuler, prestasi nya dah didapati. habistu ada pameran pendidikan, pameran kewirausahaan."Alhamdulillah kegiatan ne didukung penoh leh kanak- kanak alumni jua. Puncak acara pada 27 Oktober ne kendia diramekan malam kreatifitas seni nya didatangi leh sida alumni," bunyinya jua. Busu Bambang beharap HUT ne bisa memicu semangat bubuhan sida  SMAN 2 khususnya siswa supaya beprestasi. (medsi02- Prokom04)

 

BERITA Lainnya