PEMERINTAH KABUPATEN KUTAI KARTANEGARA

Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Selasa, 14 November 2017

10:30:12 AM

WEBMAIL    BUKU TAMU    E-PANEL

Busu Sunggono Mbukak Pembinaan Penyuluh Agama Islam Non PNS

Bahasa Kutai    5 bulan yang lalu   
Hj. Linda Agustina    111 Kali

Sumber Foto: Penyerahan SK Penyuluh Agama Islam Non PNS 2020 - 2024

TENGGARONG – Era moderen jadi tantangan utama ntuk sida penyuluh agama Islam ntuk bekreasi ntuk nyuluh masyrakat. Inovasi suluhan agama Islam nya adaptif ngkan perkembangan zaman tapi tetap bepihak di syariah Islam pastinya bujur-bujur diperlukan beneh leh penyuluh agama Islam. Tu disampaikan leh Sekretaris Kabupaten Kutai Kartanegara busu Sunggono, pas sida mbukak pembinaan penyuluh agama Islam non PNS di lingkungan Kementerian Agama Kabupaten Kukar di Pendopo Odah Etam Tenggarong, Kamis (30/1).

Makanya hak tu, menurut busu Sunggono sida penyuluh agama Islam non PNS di lingkungan Kemenag Kukar harus mahami bujur ngkan peranan penyuluh Agama Islam, sekalian jua bisa mposisikan dirinya sebagai da’i nya bekewajiban ndakwahkan agama Islam, nyampaikan penerangan agama Islam ngan ndidik masyarakat sebaik – baiknya sesuai ngan ajaran Islam.

Busu Sunggono nyambong, penyuluh agama Islam iyahak profesi nya bujur-bujur  mulia beneh. Kedudukannya bujur penting ntuk masyarakat Muslim supaya bisa ngerjaikan kewajiban ngan perkara lainnya sebagai insan nya beagama.
"Peran ngan fungsi penyuluh agama Islam bujur penting ntuk embangun mentalitas ngan spiritualitas masyarakat Muslim supaya mau ngan sanggup ngerjaikan syariat agamanya ngan baik," ujenya.

Bubuhan sida penyuluh agama Islam biasanya didudukkan jadi pihak nya sanggup masyarakat kearah nya baik, sekalian jadi inspirator, motivator, stabilisator ngan dinamisator masyarakat.
"Disinihak pentingnya peran ngan fungsi penyuluh agama ntuk embangun mental ngan spiritual masyarakat nya agamis supaya mandik dipahami sebatas formalitas ngan identitas maha tapi jua sanggup dihayati ngan dipedomani dalam kehidupan," bunyinya.

Sementara tu Kepala Kementerian Agama Kukar busu Samudi nyebutkan, kegiatan ne diumpati leh 160 peserta nya tediri dari 154 non PNS ngan 6 urang PNS di lingkungan Kementerian Agama Kukar. Betujuan di rangka ningkatikan kompetensi penyuluh dibidang informasi penerangan agama Islam, teladan ntuk PNS ngan non PNS nya nitik beratkan ke penyuluh nya berempu inovasi sentuhan nya sesuai ngan tuntutan zaman tapi bepijak di syariat Islam.

Ada 8 spesialisasi penyuluh tegak penyuluh buta huruf Al Quran, penyulu keluarga sakinah, penyuluh pengelolaan zakat, penyuluh pemberdayaan wakaf, penyuluh produk halal, kerukunan umat beragama, penyuluh radikalisme ngan aliran sempalan sampai ke penyuluh Narkoba ngan HIV/AIDS.

Acara tu jua dirangkai ngan nyerahan SK penyuluh Non PNS Kemenag Kukar  priode 2020 – 2024.(Kompim04-Dokpim04)

 

 


TINGGALKAN KOMENTAR


Pemerintah Kabupaten Kutai Kartanegara
Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Telp: 0541-662088 ext.314   Fax: 0541-661690
Email: humaskukar@kukarkab.go.id
Website: https://humas.kukarkab.go.id

STATISTIK KUNJUNGAN
Hari Ini41 pengunjung
Minggu Ini1.515 pengunjung
Bulan Ini6.472 pengunjung
Total Pengunjung34.370 pengunjung
Total Klik912.670 Kali