PEMERINTAH KABUPATEN KUTAI KARTANEGARA

Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Selasa, 14 November 2017

10:30:12 AM

WEBMAIL    BUKU TAMU    E-PANEL

Beharap Pemilih Ncapai 77,5 Persen

Bahasa Kutai    1 tahun yang lalu   
   119 Kali

Sumber Foto: Bupati Kukar busu Edi Damansyahngan bninya makai hak pilihnya di Pemilihan Umum 2019, di Tempat Pemungutan Suara (TPS) 22 jalan Arwana blok E Tenggarong nya mandik jaoh dari rumahnya sorang, Rabu (17/4) hambat.

TENGGARONG - Edi Damansyah Bupati Kutai Kartanegara ngan bininya makai hak pilihnya di Pemilihan Umum 2019, di Tempat Pemungutan Suara (TPS) 22 jalan Arwana blok E Tenggarong mandik jaoh tulak rumah sida sorang, Rabu (17/4) hambat. Sementara Sekretaris Daerah Kukar busu H Sunggono ngan keluarga, jua makai hak pilih di TPS nya sama ngan Bupati busu Edi Damansyah.

Pas dah pupus nyocok busu Edi Damansyah ndatangi awak media nyebutkan harapannya supaya Pemilu 2019 aman, damai, lancar. Busu Edi ngharapkan partisipasi sida masyarakat Kukar di Pemilu 2019 ne ncapai target nasional yaitu 77,5 persen. Pantauan nya sorang ngan sida Forum Koordinasi Pimpinan Daerah Kukar ngenai persiapan jalannya Pemilu 2019 di Kukar,nya dah dikerjaikan lewat video conference (komunikasi audio visual jarak jauh) ngan 18 Camat se Kukar hingga Rabu (17/4). "Kami sampai jam 2 harine tadi mantau persiapan Pemilu di semua kecamatan lewat video conference, alhamdulillah segala Camat melaporkan situasi aman, lancar ngan kondusif," kesah leh busu Edi.

Busu tu jua ngapresiasi petugas Pemilu baik Kelompok Penyelenggara Pemungutan Suara (KPPS), sampai ke petugas tingkat Kabupaten nya dah semangat ngerjaikan tugas supaya jalannya Pemilu belangsung lancar. "Semangat ne perlu etam jaga supaya kepercayaan sida masyarakat terus ningkat," mitu ujenya. Habis makai haknya, Bupati Forkopimda Kukar endak melihati’i situasi pemungutan suara nya ada dibrapa TPS di Kecamatan Loa Kulu, Tenggarong Seberang, ngan Tenggarong.

Bupati ndengani Gubernur Kaltim busu Isran Noor ninjau TPS 2 ngan TPS 5 kelurahan Panji jalan Ki Hajar Dewantara Tenggarong. Bupati ngan Forkopimda dijadwalkan video conference atau komunikasi secara audio visual jarak jaoh ngan Pemprov Kaltim, ngan Video Conference ngan brapa Camat di Kukar ngenai pantauan situasi bejalannya pemungutan suara. (Prokom04-medsi09)


TINGGALKAN KOMENTAR


Pemerintah Kabupaten Kutai Kartanegara
Bagian Protokol dan Komunikasi Pimpinan

Jl. Wolter Monginsidi No.1 Tenggarong 75511 - Kutai Kartanegara - Kaltim

Telp: 0541-662088 ext.314   Fax: 0541-661690
Email: humaskukar@kukarkab.go.id
Website: https://humas.kukarkab.go.id

STATISTIK KUNJUNGAN
Hari Ini91 pengunjung
Minggu Ini826 pengunjung
Bulan Ini3.847 pengunjung
Total Pengunjung26.721 pengunjung
Total Klik795.322 Kali